19:31, 18 Maýsym 2020 | GMT +5
Koronavırýs anyqtalǵan jaǵdaıda úreılenýdiń qajeti joq - Qazaqstannyń jetekshi ınfektsıonısi
NUR-SULTAN. QazAqparat - Koronavırýsty anyqtaý testi oń nátıje kórsetken kezde úreıge boı aldyrýdyń qajeti joq. Bul jaıynda Qazaqstannyń jeteshki ınfektsıonıst dárigeri Danagúl Baesheva aıtty, dep habarlaıdy QazAqparat tilshisi.

«Aýrýǵa shaldyqqandardyń 80 paıyzynda indettiń jeńil ári sımptomsyz formasy bolady. Adamdardyń kópshiligi PTR-test oń nátıje kórsetken jaǵdaıda úreıge boı aldyryp jatady. Munan qorqýdyń esh qajeti joq», - dedi Qazaqstannyń jetekshi ınfektsıonısi Ortalyq kommýnıkatsııalar qyzmetindegi brıfıng barysynda.
Onyń atap ótýinshe, dene qyzýy syndy alǵashqy belgileri paıda bolǵan kezde de qorqýdyń esh qajeti joq.
«Sabyrlyq saqtaý kerek. Óıtkeni, ózińiz de syrqattaný artyp kele jatqanyn kórip otyrsyz. Qazirgi ýaqytta úreıge boı aldyryp, dúrbeleń týdyrýǵa bolmaıdy. Qalaı degenmen de táýekel tobyndaǵy adamdarǵa barynsha nazar aýdarǵan jón. Bul topqa sozylmaly aýrýlary bar egde jastaǵy adamdar kiredi», - dedi Danagúl Baesheva.