Koronavırýs anyqtalǵan jaǵdaıda qalaı áreket etý kerek - Eljan Birtanov

NUR-SULTAN. QazAqparat - Elimizde koronavırýs anyqtalǵan jaǵdaıda qandaı áreket etý kerektigi «B» josparyna engen. Bul týraly Ortalyq kommýnıkatsııalar qyzmeti alańynda ótken koronavırýstyq ınfektsııa boıynsha aǵymdaǵy jaǵdaıǵa arnalǵan baspasóz máslıhatynda aıtyldy, dep habarlaıdy QazAqparat tilshisi.

«Bul jaǵdaıǵa baılanysty bizde «B« jospary bar. Elimizde koronavırýs anyqtalǵan jaǵdaıda qandaı áreket etetinimiz osy «B« josparyna engen. Jospar boıynsha, elimizdegi ınfektsııalyq aýrýhanalardaǵy tósek sany eki ese kóbeıtilgen. Qosymsha 14 myń karantındik tósek-oryndar daıyndaldy. Osyndaı dertke shaldyqqandarǵa kómek kórsetý boıynsha kadr máseleleri qaralýda», - dep atap ótti QR Densaýlyq saqtaý mınıstri Eljan Birtanov.

Eske sala ketsek, búgin memleket basshysy Qasym-Jomart Toqaev koronavırýs pandemııasyna baılanysty Qazaqstanda qoǵamdyq is-sharalardyń toqtatylǵanyn jarııa etti.