Koronavırýs anyqtalǵan sońǵy eki naýqastyń biri sheteldik azamat - DSM
NUR-SULTAN. QazAqparat - QR Densaýlyq saqtaý mınıstrliginiń resmı ókili Dıas Ahmetshárip koronavırýs ınfektsııasy anyqtalǵan sońǵy eki adam týraly aıtyp berdi, dep habarlaıdy QazAqparat.
«Olardyń biri 1976 jyly týǵan sheteldik, ol búgin túnde London qalasynan ushyp kelgen. Ekinshisi - Qazaqstan azamaty, ol 1970 jyly týǵan. Ekeýi de statsıonarda jatyr, densaýlyqtary qanaǵattanarlyq», - dedi Dıas Ahmetshárip «Habar 24» telearnasyndaǵy jańalyqtarda.
Osy ýaqytqa deıin Qazaqstan Respýblıkasy aýmaǵynda koronavırýs ınfektsııasyn juqtyrǵan jalpy 56 naýqas tirkeldi. Nursultan qalasynda 31 adamda koronovırýs ınfektsııasy anyqtaldy. Almaty qalasynda - 22 adam, Qaraǵandy qalasynda - 2, Almaty oblysynda 1 adam ınfektsııa juqtyrǵan.
