Koronavırýs anyqtalǵan Іle turǵynymen baılanysta bolǵan 47 adam oqshaýlandy
TALDYQORǴAN. QazAqparat - Búgin Almaty oblysynyń Іle aýdanynda koronavırýs juqtyrǵan taǵy bir adam anyqtaldy. Ol 47 adammen qarym-qatynasta bolǵan, dep habarlaıdy QazAqparat tilshisi.
Almaty oblysy ákiminiń baspasóz qyzmetiniń málimetinshe, olardyń 34-niń analızi teris nátıje kórsetti. Epıdemıologııalyq tekserý jalǵasyp jatyr.
Al 1988 jylǵy naýqastan indet profılaktıkalyq tekserý kezinde anyqtalǵan. Qazir onymen qarym-qatynas jasaǵan 47 adamnyń barlyǵy oqshaýlandy.
Naýqas qazir Qarasaı aýdandyq ortalyq aýrýhanasynyń ınfektsııalyq bólimine jatqyzyldy.
Aıta keteıik, osy saǵatta Almaty oblysynda koronavırýspen aýyrǵandar sany 114-ke jetti. 10 adam indetten jazylyp shyqty.
