Koronavırýs: Almatyda vaktsınany qaı jerde saldyrýǵa bolady
ALMATY. QazAqparat - Almaty qalasynyń Qoǵamdyq densaýlyq saqtaý basqarmasy qaladaǵy epıdemıologııalyq ahýal týraly jáne koronavırýsqa qarsy vaktsınany qaı jerden alýǵa bolatyndyǵyn aıtty, dep habarlaıdy QazAqparat tilshisi.
Búgin tańerteńgi aqparat boıynsha, qalada 715 adam koronavırýs juqtyrǵany anyqtaldy. Munyń ishinde 630-i sımptomdy, jeńil jáne ortasha deńgeıdegi belgilermen, 85-i sımptomsyz aýyrǵan.
Qazir 6 100 tósek-orny iske qosylǵan. 3530 naýqas em qabyldap jatyr. 2 570 tósek-oryn bos.
1-9 cáýir aralyǵyndaǵy kezeńde 57 810 adam vaktsınalandy. Olardyń 13 857-si vaktsınanyń eki komponentin aldy. Ótken táýlikte 8 650 almatylyqqa ekpe egildi.
Vaktsınalanǵandardyń ishinde: 11 009 medıtsına qyzmetkeri, 8 876 pedagog, quqyq qorǵaý qurylymdarynyń 6199 qyzmetkeri, sozylmaly aýrýlary bar jáne Almaty turǵyndarynyń ózge de sanattarynan 6 470 adam bar.
«Egý pýnkterinde QR DSM belgilegen nysanaly (maqsatty) toptardy, qart azamattar men sozylmaly aýrýlary bar adamdardy vaktsınalaý jalǵasýda»,- dep atap ótti basqarmadaǵylar.
Almaty qalasy boıynsha vaktsınatsııa barlyq emhanalarda, sonymen qatar, bazarlar, qoǵamdyq oryndar men saýda ortalyqtarynda júrgizilýde.
Jetisý aýdany: «Adem» saýda úıi 1-qabat, «Altyn Taraz» saýda úıi jáne «Kemel» mádenıet úıi.
Alataý aýdany: «Aqbulaq», «Kenjehan», «Ójet» bazarlary men «BaqOrda» SOSO.
Túrksib aýdany: «Túrksib» jáne «Jetisý» bazarlaryndaǵy egý pýnkteri, Oqýshylar úıi -6, Oqýshylar saraıy-7, «TJA» AQ.
Almaly aýdany: «Mega park»
Áýezov aýdany: «Azııa park», «Grand park», «Almaty Moll», «Spýtnık», «Moskva».
