Koronavırýs: Almatyda vaktsına saldyrǵandar sany myńnan asty
ALMATY. QazAqparat- Almatyda 1 aqpanan beri myńnan astam medıtsına qyzmetkerleri koronavıýrsqa qarsy «Spýtnık V» vaktsınasyn aldy. Bul týraly almaty qalasy qoǵamdyq densaýlyq saqtaý basqarmasy málim etti, dep habarlaıdy QazAqparat tilshisi.
«Almaty qalasynda jappaı ımmýndaýdyń 1 kezeńi bastalǵannan beri Qoǵamdyq densaýlyq basqarmasynyń medıtsına qyzmetkerleri men sanıtarlyq-epıdemıologııalyq qyzmetindegi qyzmetkerleri vaktsına saldyrdy. Máselen, 1 aqpan - 360, 2 aqpan - 620 adam, 3 aqpan - 100 adam, 4 aqpan - 65 qyzmetker vaktsına saldyrǵan», - delingen habarlamada.
Sondaı-aq basqarmadaǵylar vaktsına saldyrǵan medıtsına qyzmetkerleriniń densaýlyǵy birqalypty ekenin atap ótti.
«Medıtsına qyzmetkerlerin dınamıkalyq baqylaýda ustaıdy. Sondaı-aq, vaktsınatsııa alǵandardyń málimetteri tirkelgen jeri boıynsha emhanaǵa jiberiledi. Emhanalarda ýchaskelik dárigerler olardyń densaýlyq jaǵdaıyn baqylaýda ustap otyr», - dep habarlady basqarmadan.
