Koronavırýs: Almatyda «úndi shtamy» bar naýqastar qalaı emdelip jatyr
ALMATY. QazAqparat-Almatyda koronavırýstyń jańa «úndi shtamy» bar patsıentter qalaı emdelip jatyr. Bul týraly onlaın-brıfıng barysynda Almaty qalasy Qoǵamdyq densaýlyq basqarmasynyń basshysy Narıman Tabynbaev aıtty, dep habarlaıdy QazAqparat tilshisi.
Koronavırýstyń «Úndi» shtamymen aýyrǵanda uzaq ýaqyt boıy temperatýra túspeıdi. Naýqastyń estý qabileti joǵalýy múmkin. Búgingi tańda naýqastardy emdeý burynǵydaı júrip jatyr. Densaýlyq saqtaý mınıstrligi emdeýdiń arnaıy hattamasyn bekitken joq», - dep atap ótti qalalyq densaýlyq saqtaý basqarmasynyń basshysy.
Esterińizge sala keteıik, buǵan deıin Jandarbek Bekshınniń orynbasary Sádýaqas Baıǵabylov Almatyda koronavırýstyń Úndi shtamy aınalymynyń yqtımaldyǵyn anyqtaǵanyn aıtqan bolatyn.
Qalanyń bas sanıtarlyq dárigeri atap ótkendeı, vırýs juqtyrǵandar sanynyń kúrt ósýine baılanysty mýtatsııaǵa ushyraǵan shtamdarǵa zertteýler júrgizildi.
«Nátıjesinde KVI naýqastarynan alynǵan 131 úlginiń 77-si «alfa» - Brıtandyq shtamdar jáne 46 úlgide «delta» - Úndi shtamdary anyqtaldy. Sonymen qatar, eki «gamma» - Ońtústik Afrıka shtamdary jáne Nıý-Iorktik bir «betta» shtammy tirkeldi», - dep naqtylady J. Bekshın.
2021 jyldyń 26 maýsymynan bastap Almaty «qyzyl» aımaqqa kirdi.
Megapolıstegi epıdemıologııalyq jaǵdaı «delta» shtamynyń taralýyna baılanysty qıyndady.
Qalanyń bas sanıtarlyq dárigeri koronavırýstyń tórtinshi tolqynynyń paıda bolýy múmkin ekenin málimdedi.
