Koronavırýs: Almatyda sanıtarlyq-gıgıenalyq rejımdi kúsheıtý usynyldy
ALMATY. QazAqparat - Almatynyń Óńirlik shtaby áýejaı men aýrýhanada koronavırýstyń aldyn alý sharalarynyń júzege asyrylýyn tekserdi, dep habarlaıdy QazAqparat.
Qala ákiminiń orynbasary Erjan Babaqumarovtyń tóraǵalyǵymen Almaty halyqaralyq áýejaıynda koronavırýsty ınfektsııanyń aldyn alý boıynsha aımaqtyq shtabtyń kóshpeli otyrysy ótti.
Maqsat – áýejaıda júrgiziletin sanıtarlyq-gıgıenalyq jáne profılaktıkalyq is-sharalardy baǵalaý, týrıstik fırmalardyń, týrıstik dúńgirshek pen týrpolıtsııanyń jumysyn tekserý.
Sanıtarlyq-gıgıenalyq rejımdi kúsheıtý jáne koronavırýsty ınfektsııanyń aldyn alý máseleleri boıynsha usynystar berildi.
Sonymen qatar, №4 qalalyq klınıkalyq aýrýhananyń shuǵyl mamandandyrylǵan medıtsınalyq kómek kórsetý boıynsha daıyndyǵy, 3h (trıaj) júıesi boıynsha qabyldaý bólimshesiniń jumysy, sondaı-aq koronavırýsty ınfektsııaǵa kúdikti adamdardy anyqtaý jaǵdaıyna den qoıý sharalary tekserildi.
