Koronavırýs: Almatyda «omıkron» shtamy anyqtalǵan joq

ALMATY. QazAqparat – Almatyda «omıkron» shtamy anyqtalǵan joq. Bul týraly brıfıng barysynda qalalyq sanıtarııalyq-epıdemıologııalyq baqylaý departamentiniń basshysy Jandarbek Bekshın aıtty, dep habarlaıdy QazAqparat tilshisi.

Almatynyń bas sanıtarlyq dárigeri Jandarbek Bekshın megapolıste koronavırýs juqtyrǵandar sany azaıǵanyn aıtty.

Kúnine 30-40 jaǵdaı tirkeledi, bul qalanyń jasyl aımaqta qalýyna múmkindik beredi.

«Koronavırýstyń jańa shtamyna keletin bolsaq, ol qalada tirkelgen joq. Búgingi kúni biz Densaýlyq saqtaý mınıstrliginen naýqastardan alynǵan PTR-test nátıjelerin aldyq. «Omıkron» bizdiń qalada tabylǵan joq»,- dedi ol.

Onyń aıtýynsha, jańa shtamm paıda bolǵannan beri Almaty áýejaıyna «omıkron» tabylǵan elderden 1600 adam keldi. Olardyń bári Almaty qalasynyń turǵyny.

«Shet elden kelgen alty jolaýshydan koronavırýs anyqtaldy. Olardyń PTR-synamalarynyń nátıjeleri sekvenırleý úshin Nur-Sultanǵa jiberildi»,- dedi Jandarbek Bekshın.