Koronavırýs: Almatyda monıtorıngti jarııa kartasy iske qosyldy

ALMATY. QazAqparat – Almatynyń Tsıfrlandyrý basqarmasy pandemııa kezinde Almaty qalasynyń mobıldilik ózgeristeri monıtorıngisiniń jarııa kartasyn iske qosty. Bul týraly Óńirlik kommýnıkatsııalar qyzmeti alańyndaǵy onlaın brıfıng barysynda Almaty qalasynyń Tsıfrlandyrý basqarmasynyń basshysy Baıan Qońyrbaev málim etti, dep habarlaıdy QazAqparat tilshisi.

Joba qoǵamdyq keńistikterdi jáne kóliktik ınfraqurylymdy josparlaýda, kommertsııalyq nysandardy jáne jańa bıznesterdi damytýda qajetti ózgeristerdiń uzaqmerzimdi múmkindikterin qaraýǵa múmkindik beredi. Joba boıynsha jumystar «IFC Qalalar» baǵdarlamasynyń granttyq qarajaty esebinen júrgizilgen.

«Jobany jasaýǵa 11 derekkóz paıdalanyldy, onyń ishinde GPS-brokerler, HERE / Google ıAndeks, OSM, Hatch, Strava, Almaty Bike derekteri bar. Qala turǵyndarynyń geo-keńistiktik derekterdi paıdalanýyn yntalandyrý úshin jobanyń seriktesteri turǵyndardyń ǵaryshpen qarym-qatynasy túbegeıli ózgergen kezde COVID-19 kezeńindegi qalalyq mobıldiliktiń ózgerýin kórsetetin qoǵamdyq karta iske qosyldy. Bul qural mobıldiliktiń ózgerýi týraly tarıhı derekterdi qaraýǵa, olardy qala ınfraqurylymyn damytý týraly sheshim qabyldaý kezinde analıtıka daıyndaý úshin paıdalanýǵa múmkindik beredi», - dedi Baıan Qońyrbaev.

Almaty velo-qoǵamdastyǵymen birlesip, qalanyń bolashaq velostrategııasy boıynsha jobalyq komandanyń jumysy qalalyq ınfraqurylymdy josparlaýǵa eleýli úles qosqan. Nátıjesinde Almaty Bike paıdalanýshylarynyń eń talap etilgen velobaǵyttaryn modeldeý iske asyrylǵan, bul qalanyń velojoldar jelisin ázirleý kezinde óz septigin tıgizbek.

Qalany Tsıfrlandyrý basqarmasynda halyqtyń mobıldiliginiń mundaı monıtorıngi qala ákimshiligi men kásipkerlerge derekterdi taldaý negizinde basqarýshylyq sheshimder qabyldaý úshin, sondaı-aq qala turǵyndaryna óz aýdany nemese búkil qala deńgeıindegi jaǵdaıdy monıtorıngileý jáne taldaý, onyń ishinde kúndelikti belsendilikti josparlaý úshin paıdaly ekenin atap ótti.

Sonymen birge usynylǵan derekter jıyntyǵy zertteý ortalyqtary men ýnıversıtetterge pandemııanyń saldaryn egjeı-tegjeıli zertteý jáne beıimdelý sharalaryn ázirleý úshin málimetter bere alady.

Joba Almaty qalasynyń ákimdigimen Shveıtsarııanyń ekonomıka jónindegi Memlekettik hatshylyǵymen (SECO) jáne Avstrııanyń Federaldyq Qarjy mınıstrligimen birlesip júzege asyrylatyn Eýropa jáne Ortalyq Azııa aımaǵyndaǵy IFC «Qalalar» baǵdarlamasymen yntymaqtastyq negizinde iske asyrylǵan.

Joba nátıjeleri, Almaty Mobility Monitor kópshilik ınterfeısi men tıisti data-setter digital-almaty.kz saıtynda qoljetimdi. Almaty Mobility Monitor kópshilikke arnalǵan ınterfeısi óziniń geolokatsııasy týraly aqparatpen bólisýge kelisken azamattardyń mobıldi qosymshalarynan jınalǵan agregattalǵan GPS-derekterge negizdelgen. Málimetter GPS sıgnaldaryn, Wi-Fi qosylymdaryn jáne uıaly sıgnaldardy biriktiretin baǵdarlamalyq qamtamasyz etý kómegimen derekter brokerleri arqyly jınalady.