Koronavırýs: Almatyda kimderge tegin test tapsyrýǵa bolady
ALMATY. QazAqparat – Almaty qalalyq Qoǵamdyq densaýlyq saqtaý basqarmasynyń basshysy Tileýhan Ábildaev kimderge tegin test tapsyrýǵa bolatynyn aıtty, dep habarlaıdy QazAqparat tilshisi.
Onyń aıtýynsha, tegin testini dárigerdiń baǵyttaýy boıynsha jáne juqpaly aýrýlarǵa kúdik týǵan jaıdaıda, ótkir respıratorlyq sındromdar baıqalǵan jaǵdaıda test tegin tapsyrylady.
«Qazir qalada josparly túrde aýrýhanaǵa jatýǵa daıyndalyp júrgen naýqastarǵa PTR testileýdi tegin júrgizýdiń júıesi jumys istep tur. Sonymen qatar josparly túrde bosanýǵa daıyndalyp júrgen júkti kelinshekter de tegin tekserile alady», - dedi basqarma basshysy.
Sondaı-aq, COVID-19 kúdik týǵan jaǵdaıda emhana dárigerleri nemese úıge shaqyrylǵan dárigerler naýqasty aýrýhanaǵa jatqyzar kezde tegin test jasaıdy.
Al qalada qazir aqyly túrde úsh emhanada «Olımp» klınıkalyq-dıagnostıkalyq zerthana, Ońtústik Koreıa emhanasy, Ulttyq saraptama ortalyǵy bólimshesinde ótýge bolady.
«Olarda belgilengen tarıf bar. Jekemenshik zerthanalarda test quny 16 000 tg jetedi. Al Ulttyq saraptama ortalyǵy bólimshesinde 11500 teńge bekitilgen. Ushaqqa bılet alǵan jolaýshylar osy úshi zerthanadan test tapsyra alady», - dedi qalanyń bas sanıtarlyq dárigeri Jandarbek Bekshın.
