Koronavırýs: Almatyda qaıtys bolǵan adam qant dıabetimen aýyrǵan
NUR-SULTAN. QazAqparat – Almaty qalasynda koronavırýstan qaıtys bolǵan naýqastyń basqa da aýrýlary bolǵan, dep habarlaıdy Almaty qalasynyń Qoǵamdyq densaýlyq saqtaý basqarmasy.
Naýqas 1964 jyly týǵan. Odan koronavırýs 17 sáýirde anyqtalǵan.
Qosymsha dıagnozdary: sozylmaly búırek aýrýy, renaldi anemııa, sozylmaly aǵymmen júıeli qyzyl jegi, qant dıabeti, eki jaqty polısegmentarly pnevmonııa.
22 sáýirde júrgizilgen ınvazıvti emes jasandy jeldetý tıimsiz bolýyna baılanysty ınvazıvti ÓJJ-ge aýystyryldy. Sondaı-aq, baǵdarlamalyq gemodıalız seansyn aldy.
Búgin júrgizilgen emge qaramastan, polıorgan jetispeýshiliginiń belgileri órship, saǵat 06:30-da qan aınalymy toqtady.
30 mınýt ishinde ótkizilgen reanımatsııalyq is-sharalar sátti bolmady.
Saǵat 07:00-de bıologııalyq ólim tirkeldi.
Qorytyndy dıagnozǵa saı, adam rastalǵan COVID-19, aýyr aǵym jáne joǵaryda atalǵan qosymsha aýrýlarǵa baılanysty kóz jumdy.
