Koronavırýs: Almatyda karantınniń saqtalýyna baqylaý kúsheıtildi
Aıta ketý kerek, álemniń birqatar elderinde ınfektsııany boldyrmaý úshin jańa sharalar qabyldanýda. Mysaly, 30 qazanǵa qaraǵan túni Frantsııa COVID-19 juqtyrǵandar sanynyń ósýi aıasynda ózin-ózi oqshaýlaý rejımin qaıta engizdi. AQSh-tyń Nıý-Iork shtatyna basqa shtattardan kelgenderdiń barlyǵyna úsh kúndik karantındi gýbernator Endrıý Kýomo engizdi. Maska kııý túrindegi qosymsha vırýsqa qarsy sharalardy Ońtústik Koreıa bıligi elde koronavırýs ınfektsııasyn juqtyrý oqıǵalarynyń kóbeıýi aıasynda engizýde. Shveıtsarııanyń astanasy Jenevada koronavırýs ınfektsııasyn jańadan juqtyrýdyń ósýin báseńdetýge úmittenip, bir aıǵa kúsheıtilgen karantın engizýde. Baltyq jaǵalaýy elderi, Fınlıandııa jáne Shvetsııa elderiniń bıligi halyqty koronavırýstan qorǵaý sharalaryn kúsheıtti: 1 qarashadan bastap Stokgolmda barlyq mýnıtsıpaldy murajaılar jabyldy, sport zaldary men basseınderge barýǵa qosymsha shekteýler engizildi; Estonııa elge kirýshiler úshin eki aptalyq karantın engizdi.
Osyǵan baılanysty №8 qalalyq emhananyń bas dárigeri Farıda Aǵybaeva Almaty turǵyndarymen koronavırýstyń aldyn alý boıynsha usynystarmen bólisti.
«Qazir biz COVID-19 jaǵdaılarynyń ósýin baıqaımyz. Bizdiń emhanada ótken aılarmen salystyrǵanda, qazan aıynyń basynan bastap 1,5% - ǵa ósý baıqalady. Osyǵan baılanysty, qala turǵyndaryna úıde bolýǵa, temperatýra paıda bolǵan kezde ýchaskelik dárigerdi, jedel medıtsınalyq kómekti shaqyrýǵa keńes beremiz», – dedi bas dáriger.
Almaty ákimdigi qala turǵyndary men qonaqtaryn óz densaýlyǵyn qorǵaý jáne aınalasyndaǵylardyń saýlyǵy úshin sanıtarlyq-epıdemııalyq talaptardy qatań saqtaýdy jalǵastyrýdy suraıdy. Koronavırýs ınfektsııasy qart adamdar úshin qaýipti, olarǵa múmkindiginshe úıde bolýǵa keńes beriledi. Barlyq qala turǵyndaryna adamdar kóp jınalatyn oryndarǵa barýdan bas tartý, áleýmettik qashyqtyq pen maska rejımin saqtaý boıynsha usynystar berildi.
Óz kezeginde,Farıda Aǵybaeva almatylyqtarǵa negizgi usynystar týraly eske saldy:
- jeke baılanystardan aýlaq bolyńyz, onyń ishinde qushaqtaý, qol alysý;
- qoldy jıi jýý, úıden tys jerde bir rettik maılyqty qoldaný;
- bólmelerdi jeldetý;
- jótelgende, túshkirgende qol oramaldy qoldaný nemese shyntaq býynyna túshkirý kerek;
- úıden shyqpas buryn medıtsınalyq maska, sondaı-aq uzyn jeńdi syrtqy kıim kııý. Úıge qaıtqanda maska men qolǵapty baıqap sheshý qajet, aýa kirmeıtindeı etip paketke salyp, qoqys salatyn jáshikke tastaý kerek. Sodan keıin qoldy jýý nemese zararsyzdandyrý.
– kem degende 1,5 metr áleýmettik qashyqtyqty saqtańyz.
«Ózderińizge bilgili bolǵandaı, qalada karantın rejıminiń buzylýyn, sonyń ishinde maska rejımin buzý jaǵdaılaryn anyqtaıtyn mobıldi toptar jumys isteıdi. Mobıldik toptar tirkegen buzýshylyqtar aýdandyq emhanalarǵa beriledi jáne olar boıynsha tıisti sharalar qabyldanady. Ózińizdiń jáne jaqyndaryńyzdyń densaýlyǵyn saqtaý úshin betperde kııýdi usynamyz. Maska kıgen kezde 60-70% - ǵa deıin aýrýdyń aldyn alýǵa bolady»,– dep atap ótti bas dáriger.
Bıylǵy jyldyń 2 qarashasynda monıtorıngilik toptar 27 nysandy tekserdi,nátıjıesinde 3-nen buzýshylyqtar anyqtaldy:
- Áýezov aýdany - Aqsaı -4 sh.a, Marǵulan k – si, 17d mekenjaıyndaǵy «Miami» dámhanasy - saǵat 23.00-den keıin jumys rejımin buzý;
- Bostandyq aýdany - Abaı dańǵyly, 52/2 mekenjaıyndaǵy «Sushi raı» dámhanasy -saǵat 23.00-den keıin jumys rejımin buzý;
- Túrksib aýdany – Aqan Seri kóshesi, 20/5 mekenjaıynda ornalasqan «Lotomatic» oıyn zaly - ýaqytsha tyıym salyndy.
Anyqtalǵan buzýshylyqtar boıynsha zańdy tulǵalarǵa qatysty QR ÁQBtK-niń 425-babynyń 1-bóligine sáıkes sharalar qabyldanatyn bolady.