Koronavırýs: Almatyda eki patsıent óte aýyr halde jatyr
ALMATY. QazAqparat – Almatyda 18 sáýirde koronavırýs juqtyrǵandardyń sany 504-ke jetken, dep habarlaıdy QazAqparat tilshisi.
Qalalyq qoǵamdyq densaýlyq saqtaý basqarmasynyń habarlaýynsha, qalada búgin 43 jańa naýqas tirkelgen.
Onyń 26-sy jergilikti aýyrǵan adamdarmen baılanysta bolǵandar bolsa, 13 adam karantınde jatqandardyń ishinen shyqty.
Qazir Almatyda 422 adam koronavırýstan emdelip jatyr.
Onyń ishinde 2 adamnyń jaǵdaıy óte aýyr, 5 adamnyń jaǵdaıy aýyr, 106 patsıenttiń jaǵdaıy orta dárejede. Qalǵan patsıentterdiń jaǵdaıy qanaǵattanarlyq.
Qalanyń provızorlyq gospıtalderinde 298 adam jatyr. Olardyń ishinde 18 bala bar.
