Koronavırýs: Almatyda bir jasqa deıingi balalar arasynda aýrý juqtyrý kóbeıgen
ALMATY.QazAqparat – Almatyda bir jasqa deıingi balalar arasynda vırýs juqtyrý kóbeıgen. Bul týraly qalalyq sanıtarııa-epıdemıologııalyq baqylaý departamenti basshysynyń orynbasary Ásel Qalyqova onlaın brıfıngte aıtty, dep habarlaıdy QazAqparat tilshisi.
Qańtar aıynda onǵa jýyq bala qaýipti indetti juqtyrsa, qazir 60-qa jýyq bala emdelip jatyr. Bul Almaty aýmaǵynda vırýstyń mýtatsııalanǵan túriniń paıda bolýymen baılanysty.
«Sondaı-aq vırýstyń otbasy músheleri arqyly taraýy sebep bolyp otyr. Qalada koronavırýsty juqtyrý burynǵydaı adam kóp jınalatyn jerde oryn alýda. Ol - saýda oryndary, juqtyrýdyń 23 paıyzy osy jerlerde bolǵan. Sondaı-aq úıler arasynda ornalasqan dúkenderde, qoǵamdyq kólikte, jumys ornynda juqtyrý joǵary. Almaty qalasynyń bas memlekettik sanıtar dárigeriniń qaýlysynda jumysshylardyń 80%-yn qashyqtan jumys isteýge jiberý aıtylǵan. Biraq bul talap saqtalmaı otyr», - deıdi Ásel Qalyqova.
Epıdemıolog qalypty ómirge tez oralý úshin qaýipsizdik sharalaryn qatań saqtaýymyz kerek ekenin basa aıtty.
«Eger bul vırýstan qutylyp, qalypty ómirge oralǵymyz kelse, maska taǵý rejımin saqtap, qaýipsizdik sharalaryn saqtaýymyz kerek. Oǵan qosa halyq vaktsına saldyrýdan bas tartpaýy kerek. Bul, birinshi kezekte, jaqyndaryn vırýstan saqtaý úshin qajet», - deıdi Ásel Qalyqova.
Aıta keteıik, ótken táýlikte Almatyda 717 adam koronavırýs juqtyrǵan.
