Koronavırýs: Almatyda aýyr halde jatqan eki naýqastyń jaǵdaıy jaqsardy
ALMATY. QazAqparat - Almatyda koronavırýs ınfektsııasy saldarynan aýyr halde jatqan eki naýqastyń jaǵdaıy jaqsardy.Olar jansaqtaý bóliminen palataǵa aýystyryldy, dep habarlaıdy QazAqparat tilshisi.
Almaty qalalyq Qoǵamdyq densaýlyq saqtaý basqarmasynyń habarlaýynsha, eki naýqastyń biri 46 jastaǵy áıel. Tekserý kezinde odan 3 naýryzda SOVID-19 ınfektsııasy rastaldy. Naýqas aýrýhanaǵa eki jaqty polısegmentarly pnevmonııa, tynys alý jetispeýshiliginiń aýyr aǵymy dıagnozymen tústi.
Ekinshi patsıent 1955 jyly týǵan. Dál sol belgilermen jetkizildi.
Jansaqtaý bóliminde ekeýine de koronovırýs ınfektsııasyn dıagnostıkalaý jáne emdeý hattamasyna sáıkes vırýsqa qarsy terapııa júrgizildi. Sonymen qatar, oksıgenoterapııa, ınvazıvti emes ÓJJ, keýde qýysynyń apparattyq vıbromassajy jáne t.b emdeý sharalary júrgizildi.
«Emdelý kezinde ózderin jaqsy sezingeni, entigý men álsizdiktiń azaıýy sııaqty oń ózgeristermen patsıentter palataǵa aýystyryldy», – dedi Almaty qalasy Qoǵamdyq densaýlyq basqarmasynyń basshysy Tileýhan Ábildaev.
Qazirgi ýaqytta qaladaǵy ınfektsııalyq statsıonarda 99 adam bar. 70 naýqastyń jaı-kúıi – qanaǵattanarlyq, jeti adamnyń jaǵdaıy aýyr, 22 patsıentte (1 oblystyq) – aýyrlyqtyń ortasha dárejesi baıqalady.
