Koronavırýs: Almatyda 5 myńnan astam tósek-oryn daıyndaldy
ALMATY. QazAqparat-Almaty qalasynyń ınfektsııalyq statsıonarlarynda 5 060 tósek-oryn bar. Bul týraly qalalyq qoǵamdyq densaýlyq saqtaý basqarmasynyń basshysy Narıman Tabynbaev málim etti, dep habarlaıdy QazAqparat tilshisi.
Onyń aıtýynsha, búginde juqpaly aýrýlar statsıonarynda koronavırýs juqtyrǵan 1 724 naýqas jatyr, onyń 143 bala.
«Almatyda 5 060 tósek-oryny bar 12 statsıonar daıyndaldy. Qazirgi ýaqytta onyń 34% - y bos emes. «Delta» – shtammy óte qaýipti. Naýqastardy emdeý ár túrli emes, biraq dári-dármekterdi taǵaıyndaýdyń bir ereksheligi bar. Infektsııa kezinde qandaı organdar áser etetindigi de eskeriledi. Búırek jıi zaqymdanady», – Almatynyń bas dárigeri.
Narıman Tabynbaev qala turǵyndaryn koronavırýsqa qarsy vaktsına alýǵa shaqyrady, sebebi bul dert kúrdeli asqynýlarǵa alyp keledi. Іndet pen koronavırýs shtammdardyń taralýyn toqtatýdyń jalǵyz múmkindigi vaktsına alý.
Aıta keteıik, Almaty qalasynda 212 vaktsına pýnkti jumys isteıdi. 1 260 adam jumyldyrylǵan 308 ekpe brıgadasy qyzmet atqarady. Qalada vaktsına pýnkti jetkilikti.
