Koronavırýs: Almatyda 47 naýqas jeńil jáne ortasha aýyr jaǵdaıda

ALMATY. QazAqparat – Almatyda bir táýlikte 9 adam koronavırýs juqtyrdy. Onyń barlyǵynda aýrý sımptomy bar. Bul týraly qalalyq qoǵamdyq densaýlyq saqtaý basqarmasynan málim etti, dep habarlaıdy QazAqparat tilshisi.

Ótken táýlikte 11 adam koronavırýstan jazylyp shyqty, 4 adam aýrýhanaǵa jańadan tústi. 180 tósek-oryndyq ınfektsııalyq statsıonarlarda 34 adam jatyr, onyń ishinde 3 bala bar.

Jalpy reanımatsııa jáne qarqyndy terapııa bólimshesinde 4 adam emdelýde.

1 naýqas jasandy tynys alý apparatyna qosylǵan. High flow-da 1 apparat jumys isteıdi.

Medıtsınalyq-sanıtarııalyq alǵashqy kómek mobıldi brıgadalarynyń jáne Telemedıtsına ortalyǵynyń ambýlatorııalyq baqylaýynda 57 naýqas bar. Onyń ishinde jeńil jáne ortasha aýyr jaǵdaıda – 47 naýqas, sımptomsyz - 10 naýqas.