Koronavırýs: Almatyda 145 adam jansaqtaý bóliminde jatyr
Naýryzdaǵy jaǵdaı boıynsha vırýs tez taralyp jatqanyn baıqap otyrmyz. Ótken jyly daıyndaǵan klınıkalarda oryn jeterlik. Qazir 7011 tósek-oryn bar. Olar 3 eshelonǵa bólingen: jaǵdaıy aýyr, qalypty jáne jeńil naýqastarǵa arnalǵan. Jumysqa tek 5 myń tósek-oryn alyndy. 5 myńnan sanaǵanda bos oryndar sany 48 paıyzdy qurap otyr», - dedi Saǵyntaev.
Almaty ákimi ınfektsııalyq aýrýhanalardyń jaǵdaı týraly da aıtyp berdi.
Balalarǵa arnalǵan 2 korpýsy bar ınfektsııalyq aýrýhana men eresekterge arnalǵan ınfektsııalyq aýrýhana bar. Qazir 1800 ınfektsııalyq oryn bar. Onyń 75 paıyzy bos emes. Demek, ınfektsııalyq oryndardyń 25 paıyzy bos. Jalpy sannan búginde bos oryndar sany 48 paıyzdy quraıdy. Jansaqtaý bóliminde 280 oryn bar, onyń 46 paıyzy bos emes. Tańerteń 52 paıyz bolǵan, qazir jańa málimetter keldi. Biz jansaqtaý oryndaryn arttyramyz. 139 jańa jansaqtaý ornyn jasaqtaımyz», - dedi ol.
Almaty ákimi atap ótkendeı, ortalyq klınıkalyq aýrýhana tolyǵymen bosatyldy.
«Biz naýqastardy ózge aýrýhanalarǵa aýystyrdyq. Ortalyq klınıkalyq aýrýhana ótken jyldaǵydaı tolyq ınfektsııalyq aýrýhana retinde jumys istep jatyr. Alaıda biz ortaq gospıteldendirýdi burynǵysha júzege asyryp jatyrmyz. Asa aýyr jaǵdaıdaǵy naýqastar sany birtindep artyp jatyr. Olardyń sany qazir 35. Jaǵdaıy aýyr naýqastar sany 257. Ortasha jaǵdaıdaǵy naýqastar sany 2454. Jansaqtaý bóliminde 145 naýqas jatyr», - dedi Baqytjan Saǵyntaev.
