Koronavırýs: Almaty oblysynyń turǵyndary ekpeni Almaty qalasynda jasata alady
ALMATY. QazAqparat - Almaty qalasy jáne Almaty oblysy ákimderiniń orynbasarlary Erjan Babaqumarov pen Batyrjan Baıjumanov jappaı vaktsınatsııa boıynsha onlaın formatta óńirlik shtabtardyń birlesken otyrysyn ótkizdi, dep habarlaıdy QazAqparat tilshisi.
Birlesken otyrysqa qala aýdandarynyń jáne oblystyń shekaralas aýdandarynyń ákimderi, densaýlyq saqtaý, sanıtarlyq-epıdemıologııalyq baqylaý basqarmalarynyń basshylary, sondaı-aq aýdandyq medıtsınalyq uıymdardyń basshylary qatysty.
Basty mindet — Almaty oblysynda turatyn jáne Almaty qalasynyń aýmaǵynda jumys isteıtin azamattardy vaktsınalaý boıynsha birlesken is-qımyl algorıtmin ázirleý.
QR Densaýlyq saqtaý mınıstrligi bekitken mehanızmdi eskere otyryp, qala turǵyndary vaktsınany tirkelgen jerine qaramastan, turǵylyqty jeri boıynsha ala alady. Sonymen qatar, Almaty oblysynyń kóptegen turǵyndary Almaty qalasynyń aýmaǵynda ornalasqan kásiporyndarda jumys isteıdi. Osyǵan baılanysty, otyrysta iri kásiporyndardyń qyzmetkerlerin óńirine (Almaty qalasy, Almaty oblysy) jáne naqty turatyn nemese tirkelgen jerine qaramastan, jumys orny boıynsha vaktsınalaý týraly sheshim qabyldandy.
Almatyda koronavırýsqa qarsy egý pýnkteri qaı jerlerde ornalasqany týraly buǵan deıin jazǵan bolatynbyz.
