Koronavırýs: Almaty oblysynda syrqat adamdar sany tómendedi
Tamyz aıynda – aýrý sharyqtaǵan kezde - statsıonarlarda 7 599 patsıent emdeldi. 12 qyrkúıektegi jaǵdaı boıynsha 6510 adam statsıonarlyq em aldy.
Almaty oblysy ákiminiń orynbasary Batyrjan Baıjumanovtyń aıtýynsha, qyrkúıektiń birinshi aptasynda aýrýhanaǵa jatqyzylǵandar sanynyń tómendeý úrdisi baıqalady. «Oblystaǵy 17 aýrýhana ottegi stantsııalarymen qamtamasyz etilgen, 45% tósek-oryn oksıgenoterapııamen qamtylǵan. Ótken jyldan bastap Taldyqorǵan kópsalaly aýrýhanasynyń bazasynda koronavırýstyq pnevmonııany erte satyda anyqtaý úshin jańa tsıfrlyq kishi júıe engizildi. Bul MJÁ aıasynda júzege asyrylatyn biregeı joba. Ókpe men sút beziniń qaterli isigin erte satyda anyqtaýǵa arnalǵan, biraq qazir osy júıe arqyly pnevmonııany anyqtap jatyrmyz»,- dedi B. Baıjumanov.
Jyl basynan beri jasandy ıntellekt arqyly 134 myń patsıentten aýrý jaǵdaılary anyqtaldy, onyń ishinde keıbirinde KVI belgileri de bar. Sondaı-aq, tórt oblystyq ahýaldyq ortalyqtyń dárigerleri kún saıyn aýyr naýqastar boıynsha beıne keńes júrgizedi. Bul ortalyqtar shalǵaı aýdandarǵa arnalǵan. Telemedıtsına arqyly tar sheńberli mamandar shalǵaı aýdandardaǵy aýyr naýqastarǵa keńes beredi.
Oblysta 15 zerthana jumys isteıdi, olarda 1 qyrkúıekten bastap 400 myń PTR-zertteý júrgizildi, 3 569 KVI jaǵdaıy anyqtaldy», – dep tolyqtyrdy ol. Jalpy, pandemııa kezeńinde oblysta 1 mln-ǵa jýyq test ótkizildi.
