Koronavırýs: Almaty oblysynda sońǵy tirkelgen naýqas Máskeýden kelgen
TALDYQORǴAN. QazAqparat - Almaty oblysynda Jambyl aýdanynyń 1 turǵynynan COVID-19 anyqtaldy, dep habarlaıdy QazAqparat tilshisi.
Almaty oblysy ákiminiń baspasóz qyzmetiniń málimetinshe, 2001 jyly týǵan azamat 22 sáýir kúni Máskeýden avtobýspen shyqqan. Reseı shekarasynan beri ótkende Qyzylordada koronavırýspen aýyryp, oqshaýlanǵan syrqatpen baılanysta bolǵany anyqtaldy. Qazirgi kezde Qaskeleńdegi Qarasaı aýdandyq ortalyq aýrýhananyń ınfektsııalyq bólimine jatqyzyldy. Onymen 9 adam baılanysta bolǵan.
Aıta keteıik, jalpy Almaty oblysynda koronavırýspen aýyrǵandar sany 73-ke jetti.
