Koronavırýs: Almaty oblysynda sońǵy tirkelgen 3 naýqas 132 adammen qarym-qatynasta bolǵan
TALDYQORǴAN.QazAqparat - Búgin Almaty oblysynda taǵy 3 adamnan COVID-19 ınfektsııasy anyqtaldy, - dep habarlaıdy QazAqparat tilshisi Almaty oblysy ákiminiń baspasóz qyzmetine silteme jasap.
Іle aýdany Ótegen batyr kentiniń turǵyndary – 1967, 1975 jáne 1999 jyly týǵan azamattardyń murnynan jaǵyndy alý men COVID-19 ınfektsııasyna alynǵan analızderiniń nátıjesi olardyń naýqas ekenin kórsetti. Qazir olardy Qarasaı aýdandyq ortalyq aýrýhanasynyń ınfektsııalyq bólimine jetkizý jumystary uıymdastyrylýda.
Syrqattardyń jalpy sany 132 adammen, sonyń ishinde 13-imen úı ishinde, 219 adammen jumysta jáne syrtta qarym-qatynasta bolǵany anyqtaldy. Olardyń barlyǵy qazir dárigerlerdiń baqylaýyna alyndy.
Aıta keteıik, jalpy Almaty oblysynda koronavırýspen aýyrǵandar sany 53-ke jetti.
