Koronavırýs: Almaty oblysynda 48 naýqastyń jaǵdaıy aýyr
TALDYQORǴAN. QazAqparat - Ótken táýlikte Almaty oblysynda 114 adamnan koronavırýs anyqtaldy, dep habarlaıdy QazAqparat tilshisi.
Sonyń ishinde Talǵar aýdanynda – 22 jaǵdaı, Taldyqorǵan qalasy men Panfılov aýdanynda – 16, Іle aýdanynda – 13, Qarasaı aýdanynda – 11, Eńbekshiqazaq aýdanynda – 7, Qaratal, Uıǵyr aýdandarynda – 6 jaǵdaıdan, Jambyl aýdanynda – 5, Balqash aýdanynda – 3, Alakól, Eskeldi jáne Kerbulaq aýdandarynda – 2 jaǵdaıdan, Aqsý, Kegen aýdandary men Qapshaǵaı qalasynda 1 jaǵdaıdan tirkeldi.
«Óńir «sary« aımaqta. Aýrýhanalarda 1887 adam em qabyldaýda. Sonyń 48-niń jaǵdaıy aýyr. Bir táýlikte 143 adam aýrýhanalarǵa em qabyldaýǵa jatqyzyldy. Juqpaly aýrýlar statsıonarlaryndaǵy oryndar 39,3% tolǵan», - delingen Almaty oblysy ákiminiń baspasóz qyzmeti taratqan habarlamada.
Vedomstvonyń aqparatyna sáıkes, ótken táýlikte oblys boıynsha 386 adam koronavırýs indetinen emdelip shyqty.
Sońǵy 3 kúnde 5978 adamnyń synamalary PTsR zerthanalarda tekserildi. Naýqastarmen qarym-qatynasta bolǵan 344 adam anyqtalyp, barlyǵy úı karantınine jáne medıtsına qyzmetkerleriniń baqylaýyna alyndy.
