Koronavırýs: Almaty aýrýhanalarynda naýqastar sany kún sanap artyp keledi
ALMATY. QazAqparat - Almaty aýrýhanalarynda oryn jetkilikti me? Bul saýalǵa brıfıng barysynda qalalyq Qoǵamdyq densaýlyq saqtaý basqarmasynyń basshysy Kamaljan Nadyrov jaýap berdi, dep habarlaıdy QazAqparat tilshisi.
Onyń aıtýynsha, naýqastardyń sany kún sanap artyp keledi.
Oryn jetkilikti bolǵanymen, vırýs juqyrǵan adamdar sany artyp barady. Árıne, biz koronavırýs ınfektsııasynyń ártúrli stsenarııine daıyndalýdamyz. Aýrýhanalarda oryn shekteýsiz dep aıtýǵa bolmaıdy. Oryndy qamtamasyz etýge oraı aýyr jaǵdaıdaǵy adamdardyń ómirin saqtap qalý úshin saraptama júrgiziledi. Jappaı juqtyrý tirkeletin bolsa, bizdiń resýrstarymyz jetispeýshilikke ushyraýy múmkin. Sondyqtan bir jaqqa baratyn kezde oılaný kerek. Eýropa men AQSh-taǵy jaǵdaı bizde de qaıtalanýy ábden múmkin. Biz halyqtyń erkin júrgenin, kóshedegi adam sanynyń kóptigin kórip otyrmyz. Men halyqty taǵy da jaýapkershilikke shaqyramyn», - dedi ol.
Onyń aıtýynsha, Italııa men AQSh-taǵy jaǵdaımen salystyrǵanda, eldegi jáne qaladaǵy epıdemıologııalyq ahýal jaman emes.
