Koronavırýs: Almaty ákimdigi bilim berý mekemeleriniń jumys isteý formatyn túsindirdi
ALMATY. QazAqparat – QR Prezıdenti Qasym-Jomart Toqaevtyń tapsyrmasy boıynsha Almaty qalasynyń turǵyndary arasynda koronavırýstyq ınfektsııa jaǵdaıy tirkelgen jaǵdaıda áreket etý algorıtimine sáıkes, bilim berý mekemeleriniń jumys formatyna ózgerister engizildi, dep habarlaıdy QazAqparat tilshisi.
Epıdemıologııalyq jaǵdaı turaqtanǵanǵa deıin qosymsha bilim berý nysandarynda (oqýshylar úıi, mýzykalyq mektepterde) bilim berýge tyıym salyndy. Sonymen qatar, balalardyń oryny saqtalady, ata-analardan oqý aqysy alynbaıdy.
Jalpy, Almatyda 266 mektep, 80 kolledj bar. 16 naýryzdan bastap mektepterde demalys jarııalandy. Oqýshylarǵa demalys kezinde ekskýrsııaǵa barýǵa tyıym salyndy. Kolledj stýdentteri 16 naýryzdan bastap qashyqtan bilim alýǵa kóshedi.
Bilim berý salasyndaǵy qyzmetkerler boıynsha 3 sanat anyqtaldy. Ákimshilik-basqarý qyzmetkerleri – basshy, orynbasarlar jáne tehnıkalyq qyzmetkerler ádettegi rejimde, al pán muǵalimderi úıde otyryp, qashyqtan jumys isteı alady. Bul rette olardyń jalaqysy tolyq kólemde saqtalady. Aqyly eńbek demalysyn resimdeýge tilek bildirgen qyzmetkerlerdiń qalaýy tolyq qanaǵattandyrylady.
