Koronavırýs: álemniń damýy 20 jylǵa keri ketti
NUR-SULTAN. QazAqparat - Covid-19 pandemııasy álemniń damýyn 20 jylǵa kesheýildetti, dep habarlaıdy QazAqparat BBC agenttigine silteme jasap.
Agenttik jarııalaǵan aqparattarǵa qaraǵanda, álem taǵy bir jańa vırýs pandemııasyna múldem daıyn emes. Buny Dúnıejúzilik densaýlyq saqtaý uıymy jáne Dúnıejúzilik bank ókilderi málimdep otyr.
Biraq, oǵan qosa, jaqsy jańalyq ta bar: Kalıfornııada Covid-19 vırýsyna qarsy qoldanylatyn jasandy aqýyz molekýlasy sıntezdeldi.
«Álemde Covid-19 koronavırýsyn juqtyrǵan adamdardyń sany 30 mıllıonǵa jaqyndady. Pandemııa bastalǵannan beri, odan qaıtys bolǵandardyń sany – 929 myń adamdy qurady. 30 mıllıonǵa jýyq adam saýyǵyp shyqty», dep habarlady Djons Hopkıns ýnıversıteti.
Covid-19 pandemııasy álemniń damýyn keri buryp jiberdi. Sarapshylar qazir osy máseleni talqyǵa salyp jatyr. ıAǵnı olar órkenıet qansha jylǵa keri ketti degen máselege bas qatyrýda.
Bıll jáne Melında Geıts qorynyń dúısenbi kúni shyǵarǵan jyl saıynǵy baıandamasynda 20 jyl týraly másele kóterilip otyr.
Qujatta pandemııanyń birneshe aıy halyqaralyq uıymdardyń jyldar boıy atqaryp, qol jetkizgen jetistikterin qurdymǵa jibergeni aıtylady. Qaıyrshylyq jaǵdaıda ómir súrip jatqan adamdardyń sany osy ýaqytta jeti paıyzǵa ósken.
Budan bólek, basqa aýrýlarǵa qarsy vaktsına egý jaǵdaıy 1990 jyldardaǵy deńgeıge túsken.
«Jaǵdaıdy birlesip ýshyqtyratyn apattar» - Sovid-19 pandemııasyn múmkindiginshe dál sıpattaıtyn sóz. Áýeli vırýs paıda boldy, odan keıin úkimet onymen kúres júrgizý úshin resýrstardy qaıta úlestire bastady, odan keıin adamdar indet juqtyryp alý qorqynyshymen dárigerlerge barýdan qaldy. Osynyń barlyǵy densaýlyq saqtaý sektoryndaǵy tolyqqandy katastrofa elementteri», - delingen baıandamada.
