Koronavırýs álemniń 152 elinde tirkelgen
NUR-SULTAN. QazAqparat - Álemniń 152 elinde 156 494 adamǵa koronavırýs juqqany anyqtaldy. Bul jaıynda QR Densaýlyq saqtaý mınıstrligi málim etti, dep habarlaıdy QazAqparat tilshisi.
Koronavırýstyń oshaǵy sanalǵan Qytaıda vırýstyń taralýy aıtarlyqtaı báseńdedi. Búgin bul elde bir táýlikte 20 oqıǵa tirkelgen. Jalpy, Qytaıda 80 884 adam koronavırýs juqtyryp, onyń 3 199-y qaıtys boldy. Statsıonarlarda 10 734 naýqas em alyp jatsa, 66 911 adamnyń jazylǵany belgili. Al álemniń basqa elderinde 75 650 (krýız laınerin qosa alǵanda) adam vırýs juqtyryp, onyń 2 623-i qaza boldy.
1 «A» sanatyna jatqyzylǵan Italııada bir táýlikte vırýs juqtyrǵan 3 497 adam anyqtaldy. Vırýs juqtyrǵandyǵy naqtylaǵan naýqastar sany - 21 157 adam, qaza tapqandar - 1 441. 1 «B» sanatyndaǵy Ispanııada 6 391 adam vırýs juqtyryp, 195 adam qaıtys boldy. Bir táýlik ishinde koronavırýs juqtyrǵany rastalǵan adamdar sany - 1 159.
1 «A» sanatyna kiretin Iranda 12 729 adamǵa (bir táýlikte 1 365 adamǵa vırýs juqqany anyqtaldy) vırýs juǵyp, 611 adam mert boldy. Ońtústik Koreıada 8 086 adamnyń (bir táýlikte 107) koronavırýs juqtyrǵany anyqtaldy. Qaza bolǵandar - 72 adam.
Al 1 «B» sanatyna kiretin Frantsııada osy ýaqytqa deıin 4 469 adamnyń vırýs juqtyrǵany belgili. Osy táýlikte bul elde 808 adamǵa vırýs juqqany rastaldy. Qaıtys bolǵandar - 91 adam. Germanııada táýlik ishinde 924 adamnan koronavırýs tabylyp, 9 adam qaza tapty. Jalpy, 4 599 adamnan koronavırýs tabylǵan.
