Koronavırýs: Álemdik eki jarys keıinge shegerildi
NUR-SULTAN. QazAqparat - Halyqaralyq konkıshiler qaýymdastyǵy mánerlep syrǵanaýdan álem chempıonatyn koronavırýstyń taralý qaýpine baılanysty keıinge shegerdi, dep habarlaıdy QazAqparat tilshisi.
Negizgi jospar boıynsha mánerlep syrǵanaýdan álem chempıonaty 16-22 naýryz kúnderi Monrealda (Kanada) ótýi tıis bolatyn. Alaıda, bul doda ISU sheshimimen belgisiz merzimge shegerildi.
Sondaı-aq, búgin sporttyq gımnastıkadan Dohada (Katar) ótýi tıis lıtsenzııalyq álem kýbogi kezeńi de keıinge shegerilgeni belgili boldy. Atalǵan lıtsenzııalyq týrnır 18-21 naýryz kúnderi Katar astanasynda ótedi dep josparlanǵan bolatyn.
Bul doda koronavırýs epıdemııasynyń taralýyna baılanysty 2020 jyldyń 3-6 maýsymyna shegerildi.
