Koronavırýs álemde 800 myń adamnyń ómirin jalmady
NUR-SULTAN. QazAqparat - SARS-CoV-2 koronavırýs indeti týdyratyn COVID-19 ókpe aýrýy indeti búkil álemde 800 myńnan astam adamnyń ómirin jalmady. Mundaı derek Amerıkanyń Djons Hopkıns ýnıversıteti 22 tamyz, senbi kúni jarııalaǵan málimetterde keltirilgen. Atalǵan aýrýmen qaıtys bolǵan patsıentterdiń 25 paıyzǵa jýyǵy (175 467-si) Qurama Shtattarynyń turǵyndary, dep habarlaıdy QazAqparat dw.com portalyna silteme jasap.
Ýnıversıtet sarapshylarynyń baǵalaýynsha, Jer shary turǵyndary arasynda indet juqtyrǵandardyń sany 23 mıllıonnan asyp otyr. Koronavırýs juqtyrǵandardyń basym bóligi AQSh (5,63 mln), Brazılııa (3,53 mln) jáne Úndistanda (2,97) tirkelgen.
Aýrý juqtyrǵandar sany sońǵy ýaqytta Batys Eýropa elderinde de artyp barady. Máselen, Germanııada ótken táýlikte 2 034 adamnan vırýs tabyldy. Bul sáýir aıynyń sońynan bergi eń joǵary kórsetkish bolyp otyr.
Frantsııada da ekinshi kún qatarynan indet juqtyrǵandardyń sany 4 myń naýqastan asyp jyǵylǵan. Mundaı joǵary kórsetkish bul elde mamyr aıynan beri tirkelmegen edi.
Italııada da ótken táýlikte 1 071 jaǵdaı tirkeldi. Mamyr aıynyń ortasynda qatań karantın sharalary jeńildetilgennen keıin bul elde alǵash ret 1 myńnan asatyn jaǵdaı oryn alyp otyr.
