Koronavırýs: Álem elderi buqaralyq sharalarǵa tyıym salyp jatyr
NUR-SULTAN. QazAqparat - Mektepter jabyldy, sport sharalary ótkizilmeıdi, búkil álem boıynsha mádenı mekemeler jumysy toqtady. Munyń barlyǵy koronavırýstyń taralýyn toqtatý maqsatynda jasalyp jatyr, dep habarlaıdy VVS.
«AQSh-ta sport sharalary ótkizilmeıdi, Brodveıdegi qoıylymdar bir aıǵa shegerildi. Frantsııada mektepter, ýnıversıtetter, balabaqshalar jabyldy», - dep jazady basylym.
Avtordyń aıtýynsha, Kanadanyń premer-Mınıstri Djastın Trıýdo 14 kúndik karantınge jabyldy. Onyń áıelinen koronavırýs anyqtaldy. Avstralııanyń ishki ister mınıstri de koronavırýspen aýrýhanaǵa jaqyzyldy.
«Dúnıejúzilik densaýlyq saqtaý uıymynyń málimetinshe, 118 memlekette 125 myń adamǵa Covid-19 dıagnozy qoıyldy. Álem boıynsha aktsııa baǵasy quldyrap jatyr. Amsterdamda Van Gog pen Reıksmýzeým mýzeıleri naýryz aıynyń sońyna deıin jabyldy. AQSh-taǵy Metropolıten mýzeıi de jumysyn toqtatty. Vashıngton men Nıý-Iorktegi basqa mýzıler senbiden bastap demalysqa ketedi», dep jazady avtor.
Nıý-Iorktyń gýbernatory Endrıý Kýomo 500-den astam adam jınalatyn jıyndarǵa tyıym saldy. Belgııa barlyq mádenı, kóńil-kóteretin sharalardy ótkizýge shekteý qoıdy. Dısneı de Florıda men Parıjdegi parkterin naýryzdyń sońyna deıin japty.
