Koronavırýs aldynda balalardyń anaǵurlym osal toby ataldy

MÁSKEÝ. TASS-QazAqparat – Jańa koronavırýs ınfektsııasy eresektermen salystyrǵanda balalarda jeńil ótedi. Bul rette, vırýs aldynda osal topqa bir jasqa deıingi balalar jatqyzylyp otyr. Bul týraly Rospotrebnadzor Ortalyq ǵylymı-zertteý ınstıtýtynyń ǵylymı jumys jónindegi dırektorynyń orynbasary Aleksandr Gorelov aıtty, dep habarlaıdy QazAqparat TASS agenttigine silteme jasap.

«Balalar arasynda anaǵurlym osal topqa bir jasqa deıingi sábıler jáne jasóspirimder jatady. Sebebi bir jasqa deıingi balalar koronavırýsty ata-analarynan juqtyrady. Bul kezde olardyń ımmýnıteti áli qalyptasyp úlgermeıdi. Sondyqtan kez kelgen ınfektsııa olarǵa qatty áser etedi», - dedi ol.

Gorelovtyń aıtýy boıynsha, 14 jastan joǵary balalar arasyndaǵy juqtyrý jaǵdaıynyń kóp bolýy, olardyń áleýmettik belsendi bolýymen tikeleı baılanysty. «Jasóspirimderdiń vırýsty jıi juqtyrýynyń ekinshi sebebi – delta shtamynyń paıda bolýy. Qazirgi kezde ol Reseıde vırýstyń basym túrine aınaldy», - dedi sarapshy.

Sonymen qatar Gorelov jasóspirimderdiń de eresekter sııaqty aýrýdy árqalaı qabyldaıtynyn aıtty. Alaıda, onyń sózinshe, ortasha alǵanda jasóspirimder eresekter sııaqty qatty aýyrmaıdy.