Koronavırýs: Aqtóbe oblysyna taǵy 4 myń doza vaktsına jetkiziledi
Ótken táýlikte óńirde 5 adamnan koronavırýs ınfektsııasy anyqtaldy.
Aqtóbe qalasy men Hromtaý aýdanynyń turǵyndary derttiń sımptomdy túrine shaldyqqan.
Aýrý kórsetkishiniń ósý deńgeıi - 0,1%.
Búginge deıin óńirde 4273 jaǵdaı tirkelse, onyń 94 paıyzy jazyldy.
Qazirgi kezde úı karantınine 700-den astam adam bar.
Olar eki apta baqylaýda bolady.
Ákimdikte ótken j ıynda oblys ákiminiń birinshi orynbasary ımmýndaý jumysyna toqtaldy.
«Óńirde 480 medıtsına qyzmetkeri «Spýtnık V» ekpesiniń ekinshi dozasyn qabyldady. Naýryz aıynyń basynda taǵy 4100 doza ákelinedi dep kútilip otyr. 24 medıtsınalyq uıymda ekpeni saqtaıtyn 41 muzdatqysh bar. Taǵy 11 muzdatqysh kamera alynady. Ekpeni tasymaldaıtyn 61 termokonteıner bar. Qosymsha 74 termokonteıner alynady»,- dedi oblys ákiminiń birinshi orynbasary Nurjaýǵan Qalaýov.
Óńirdegi monıtorıng toptary 10 myńnan astam tekserý júrgizdi.
Nátıjesinde 2 myńǵa jýyq adam ákimshilik jaýapqa tartylyp, 188 mln teńge aıyppul salyndy.
