Koronavırýs: AQSh-tyń eki zoobaǵynda janýarlarǵa vaktsına sala bastady

JAŃA ANGLIıA. QazAqparat – Franklin jáne Stone haıýanattar baǵynyń qyzmetkerleri koronavırýs juqtyrýǵa beıim janýarlarǵa vaktsına sala bastady. Bul týraly Jańa Anglııa (AQSh-tyń soltústik-shyǵys aımaǵy) haıýanattar baǵynyń saıtynda habarlandy.

«Jańa Anglııanyń Franklin jáne Stone haıýanattar baqtarynda janýarlar arasynda COVID-19 juqtyrý oqıǵalary bolmaǵanymen, bul vaktsına – vırýs juqtyrýǵa beıim janýarlar túrlerin qorǵaý úshin mańyzdy aldyn alý sharasy», - dedi Jańa Anglııa haıýanattar baǵynyń aǵa veterınary Krıs Bonar.

Vaktsınany birinshi kezekte koronavırýs juqtyrý qaýpine ushyraǵan janýarlar alady. Vaktsınalaý úshin Ptizer-diń qurylymdyq bólimshesi bolyp tabylatyn Zoties veterınarlyq farmatsevtıkalyq kompanııasynyń preparaty qoldanylýda. Zoties tórt apta ıntervalmen eki dozamen salynady.

Qaýip sheńberindegi barlyq janýarlardy tolyq vaktsınalaý úshin úsh aıdan tórt aıǵa deıin ýaqyt qajet bolady. Zoties veterınarlyq farmatsevtıkalyq kompanııasy 70-ke jýyq haıýanattar baǵy men janýarlardy qorǵaıtyn basqa da mekemelerdegi 100-den astam túrdi qorǵaýǵa kómektesý úshin koronavırýsqa qarsy vaktsınanyń 11 myńnan astam dozasyn bóldi.