Koronavırýs: AQSh Covid-19 vırýsyn juqtyrýdan álemde birinshi orynda tur
NUR-SULTAN. QazAqparat – Soltústik jáne Ońtústik Amerıka óńiri aýrý juqtyrý sanynan kósh bastady. Munda 5 445 710 patsıent aýrý juqtyrǵan. Álemde koronavırýs juqtyrý sany jóninen AQSh birinshi orynda tur, dep habarlaıdy QazAqparat euronews.com saıtyna silteme jasap.
Latyn Amerıkasy elderinde Covid-19 juqtyrý jaǵdaılary alǵash ret Eýropadan kóp anyqtaldy. Munda 2,7 mln adam vırýs juqtyrǵan. Brazılııa indetke shaldyǵý sany jóninen ekinshi orynda. Elde 62 myńǵa jýyq adam qaýipti vırýstan kóz jumǵan. Sonymen qatar, Kýbadaǵy jaǵdaı Latyn Amerıkasynyń basqa elderine qaraǵanda áldeqaıda jaqsy. Alǵashqy aýrý juqtyrý oqıǵasy anyqtalǵanǵa deıin Kýba bıligi jergilikti turǵyndardy tekserýdi uıymdastyryp, dárigerler toby eldegi árbir úıde bolyp, aqparattyq-túsindirý jumystaryn júrgizdi. Senbi kúni Gavanada karantındik shekteýler álsiredi. Álemde aýrý juqtyrǵandar sany boıynsha birinshi orynda AQSh tur. Juma kúni elde táýliktik rekordtyq kórsetkish tirkeldi, koronavırýsty 57 497 adam juqtyrǵan.
