Koronavırýs: AQSh bir táýlikte vırýs juqtyrǵandar sany jaǵynan rekordyn jańartty
NUR-SULTAN. QazAqparat – Úndistan elinde indetke shaldyqqan adamdar sany 1 mıllıonnan asty, al Brazılııada aýrýǵa shaldyqqan 2 mıllıon adam tirkelgen, AQSh-ta bir táýlikte aýyrǵan adamdardyń rekordtyq sany jańartyldy.
Djon Hopkıns ýnıversıtetiniń málimetinshe, pandemııa bastalǵannan beri koronavırýsty 13,8 mln adam juqtyryp, 590 myńnan astam adam qaıtys boldy.
Covid-19 zardaptary týraly sońǵy málimetterdi QazAqparat VVS agenttigine silteme jasap habarlaıdy.
Úndistan aýrýǵa shaldyqqan adamdar sany jaǵynan AQSh pen Brazılııadan keıin úshinshi orynda tur. Halyq sany 1,3 mlrd adamdy quraıtyn el úshin indet juqtyrǵan bir mıllıon adam aıtarlyqtaı kórsetkish emes bolyp kóringenimen, aýrýdyń taraý jyldamdyǵy sonshalyq, eldiń densaýlyq saqtaý salasyna aýyr salmaq túsýi múmkin.
Brazılııada indetke shaldyqqan 2 mıllıonnan astam adam tirkelgen, vırýstyń qarqyny baıaýlamaı otyr.
Brazılııa halqynyń sany – shamamen 210 mln adam. Aýrý juqtyrǵandar sany jaǵynan AQSh-tan keıin ekinshi orynda tur. Bir apta buryn koronavırýsqa test tapsyrǵan prezıdenti Jaır Bolsonarýdyń aýrýǵa shaldyqqany rastalǵanymen, ol vırýstyń qaýipti emes ekenin dáleldeýge tyrysýda.
Resmı statıstıka boıynsha, Covid-19 Brazılııada 74 myńnan astam adamnyń ólimine sebep bolǵan, biraq aýrýdan kóz jumǵandar sany áldeqaıda kóp bolýy múmkin.
AQSh-ta pandemııa bastalǵaly bir táýlik ishinde aýrý juqtyrýdyń jańa rekordtyq kórsetkishi tirkelgen (74,5 tys. oqıǵa). Djon Hopkıns ýnıversıtetiniń málimetinshe, endi elde aýrýǵa shaldyqqandar sany 3,57 mln adamnan asyp otyr.
Іndet juqtyrýshylar sanynyń ósimi 30 shtatta baıqaldy. El boıynsha Covid-19 vırýsynan bir táýlikte myńǵa jýyq adam qaıtys bolǵan. Pandemııa bastalǵaly koronavırýs 138 myńnan astam adamnyń ómirin qıyp áketti.
