Koronavırýs: Aqmola oblysynda dıagnostıkalyq zerthana ashylady
KÓKShETAÝ. QazAqparat – 20 sáýirde Kóshetaý qalasynda elimizdegi PTR (polımerazdyq tizbek reaktsııa)-zerthanalarynyń taǵy biri jumysyn bastaıdy. Onda kez kelgen adam koronavırýs ınfektsııasyna test tapsyra alady. Aımaq basshysy Ermek Marjyqpaev atalmysh zerthanada bolyp, onyń daıyndyǵyn tekserdi. QazAqparat bul týraly oblys ákimdiginiń baspasóz qyzmetine silteme jasap habarlaıdy.
Dárigerlerdiń sózinshe, bul kóp qate jiberetin ekspress-test emes. Bul testter DNQ-men «jumys» isteıdi. Qazirdiń ózinde zerthanada 1 myń test bar. Dúısenbi kúni taǵy 6,5 myń test keledi. Analız qorytyndysy bir táýliktiń ishinde anyqtalady. Zerthanada bes adam jumys isteıtin bolady. Olar materıaldy tereze arqyly qabyldaıdy. Nysanda arnaıy jeldetkish qarastyrylǵan. 20 sáýirde zerthana naýqastar úshin esigin aıqara ashady. Munda táýligine 200 test alý múmkindigi bar.
«Jańa zerthanda koronavırýs dıagnostıkasy PTR (polımerazalyq tizbek reaktsııa) ádisi boıynsha naqty ýaqyt tártibimen zertteletin bolady. Aqmola oblysynyń ákimdigi jáne oblystyq Densaýlyq saqtaý basqarmasynyń qoldaýymen jańa PTR – zerthanasyn oblystyq kópbeıindi balalar aýrýhanasyna ornalastyrdyq. Investıtsııa kólemi 100 mıllıon teńgeni qurady. Oblysymyzda kez kelgen adam ózin koronavırýs ınfektsııasyna tekserte alady», - deıdi «Myrza – han» JShS Aqmola jáne Soltústik Qazaqstan oblystary boıynsha fılıalynyń dırektory Áset Bekbosynov.
Sonymen qatar, aımaq basshysy taǵy bir modýldi farmzerthanaǵa bardy. Ol Áýezov kóshesi, 210 mekenjaıyndaǵy «Dıver» medıtsınalyq ortalyǵynyń aýmaǵynda ornalasqan. Bir qabatty, 6 bólmesi bar, 3 tereze arqyly materıaldar tapsyrylady.
Dárigerlerdiń sózinshe, munda QR Densaýlyq saqtaý mınıstrliginiń saıtynda tirkelgen adamdar qyzmet alady. ıAǵnı, koronavırýs ınfektsııasynan bólek, gepatıt, nesep-jynys ınfektsııalaryna tárizdi ózge aýrýlarǵa da synama tapsyra alady.
«Makınsk qus fabrıkasy bizge qazirgi zamańǵy jyljymaly zerthana syılady. Bul - árıne úlken kómek. Budan bólek, atalmysh fabrıka jalpy quny 23 mıllıon teńge bolatyn, árqaısysy 2300 teńge turatyn 10 myń test satyp áperdi. Áriptesterimizdiń qoldaýynyń arqasynda endi aqmolalyqtar naqty ýaqyt tártibimen qajetti taldaý jasaı alady», - dep atap ótti aımaq basshysy.
