Koronavırýs: Aqmola men Pavlodar oblysy «qyzyl» aımaqqa kirdi

NUR-SULTAN. QazAqparat – QR Densaýlyq saqtaý mınıstrligi 10 qańtardaǵy el óńirlerindegi epıdemıologııalyq ahýaldy baǵalaý matrıtsasyn jarııalady, dep habarlaıdy QazAqparat.

Baǵalaý matrıtsasyna sáıkes, keshe, ıaǵnı 9 qańtarda Atyraý oblysy ǵana «qyzyl» aımaqta bolǵan edi. Alaıda búgingi matrıtsa «qyzyl» aımaqqa Atyraý oblysynyń shyǵyp, ornyna Aqmola men Pavlodar oblysy engenin kórsetip tur. Al Nur-Sultan qalasy «qyzyl» aımaq pen «sary» aımaqtyń týra ortasyna ornalasqan.

«Sary» aımaqta Atyraý, SQO, Qostanaı, BQO oblystary men Almaty qalasy bar.

Qalǵan óńirlerdiń barlyǵy - «jasyl» aımaqta.

Jalpy Qazaqstan aýmaǵy koronavırýs boıynsha «sary» aımaqqa engizildi.