Koronavırýs: Aqmola ákimi azamattardy qabyldaýdy ýaqytsha toqtatady

KÓKShETAÝ. QazAqparat - Koronavırýs ınfektsııasy taralaýynyń táýekelin tómendetý boıynsha aldyn alý jáne saqtandyrý sharalarynyń qabyldanýyna baılanysty Aqmola oblysynyń ákimi Ermek Marjyqpaevtyń azamattardy jeke qabyldaýy ýaqytsha toqtatyldy. Bul týraly oblys ákimdiginiń áleýmettik jelidegi paraqshasynda jarııalandy, dep habarlaıdy QazAqparat tilshisi.

«Koronavırýs ınfektsııasy taralaýynyń táýekelin tómendetý boıynsha aldyn alý jáne saqtandyrý sharalarynyń qabyldanýyna baılanysty, Aqmola oblysynyń ákimi Ermek Marjyqpaevtyń jáne onyń orynbasarlarynyń azamattardy jeke qabyldaýlary ýaqytsha toqtatyla turady» dep habarlaıdy ákimdik.

Buǵan deıin qabyldaýǵa jazylǵan azamattardyń kezegi saqtalady. Qabyldaýdy jandandyrý týraly aqparat barlyq qoljetimdi ınternet-resýrstarda qosymsha jarııalanady.

«Halyq «e-gov» elektrondyq úkimet portaly, sondaı-aq «Qazposhta» AQ qyzmeti arqyly jazbasha túrde ótinish bildire alatynyn atap ótemiz. Oryn alǵan qolaısyzdyq úshin keshirim suraımyz, túsinistikpen qaraıtyndaryńyzǵa senimdimiz», - dep kórsetilgen ákimdiktiń áleýmettik jelidegi jazbasynda.