Koronavırýs: Air Astana ushý kestesin ózgertti
ALMATY. QazAqparat - Air Astana áýekompanııasy QR DSM bekitken profılaktıkalyq sharalar negizinde ushý reısteriniń kestesin ózgertti, dep habarlaıdy QazAqparat tilshisi.
2020 jyldyń 1 naýryzynan bastap «Nur-Sultan – Seýl – Nur-Sultan» baǵytyndaǵy áýe reısteri aptasyna 2-den 1-ge deıin qysqardy. «Almaty–Seýl-Almaty» baǵytyndaǵy reıster aptasyna 5-ten 1-ge deıin qysqardy. 5 naýryzdan «Nur-Sultan – Baký» jáne keri baǵyttaǵy reıster toqtatyldy. Almatydan Bakýǵa shyǵatyn reıster aptasyna 1-aq ret shyǵatyn bolady. 6 naýryzdan bastap Almatydan Gonkongqa shyǵatyn reıs toqtatylady.
Sonymen qatar áýe kompanııasy koronovırýs juqpasy shyqqan elderge marshrýt jelisin ońtaılandyrýǵa kóshti.
2020 jyldyń 31 mamyryna deıin Nursultannan Parıjge, Almatydan Kýala Lýmpýrǵa shyǵatyn reıster toqtatylady.
«Almaty – Mýmbaı» baǵytyndaǵy reısterge de shyqpaıtyn boldy.
Munyń aldynda bılet alyp qoıǵan jolaýshylar ushý ýaqytyn ózgertip nemese aıyppulsyz bıletterdi qaıtara alady.
«Air Astana úshin eń bastysy jolaýshylardyń qaýipsizdigi bolyp otyr. Juqpaly aýrýdy boldyrmaý úshin profılaktıkalyq sharalardy qoldanamyz. Barlyq halyqaralyq reısterde biz ekıpajdyń tazalyǵyn muqııat tekseremiz. Olardyń barlyǵyna sanıtaızerler beriledi, ushaqtar eki ret dezınfektsııalyq quraldarmen jýylady», - dedi Air Astana saýda boıynsha dıretkory Islam Sekerbekov.
