Koronavırýs: 657 qazaqstandyq shetelden PTR-anyqtamasyz ushyp keldi

NUR-SULTAN. QazAqparat - 21 aqpan kúni Qazaqstanǵa Germanııa, Lıtva, Shrı-Lanka, Maldıv, BAÁ, Mysyr, Túrkııa, Grýzııa, Ýkraına, RF, Ózbekstan jáne Qyrǵyzstan elderinen barlyǵy 21 halyqaralyq áýe reısi ushyp keldi, dep habarlaıdy QazAqparat.

QR Densaýlyq saqtaý mınıstrligi Sanıtarııalyq-epıdemıologııalyq baqylaý komıtetinen málim etkendeı, bir táýlikte elimizge 3 155 jolaýshy ushyp keldi. Onyń 2 498-inde koronavırýsqa PTR-testileýdiń teris nátıjesi bar anyqtama bolǵan. Qalǵan 657 adam anyqtamasyz kelgen, barlyǵy da QR azamattary.

Atap aıtqanda:

- Almaty qalasynyń áýejaıyna – 12 reıs, 1 998 jolaýshy, anyqtamamen - 1 633, anyqtamasyz - 365;

- Nur-Sultan qalasynyń áýejaıyna – 8 reıs, 1 155 jolaýshy, anyqtamamen - 863; anyqtamasyz - 292;

- Shymkent qalasynyń áýejaıyna – 1 reıs, 2 jolaýshy anyqtamamen kelgen.

«Anyqtamasy bolmaǵan Qazaqstan azamattary kelgen jerleri boıynsha COVID-19-ǵa PTR-taldaý ádisimen testilendi jáne karantındik statsıonarlarda óz nátıjelerin kútýde», - dedi mınıstrlikten.

Sondaı-aq 20 aqpanda shetelden PTR-anyqtamasyz ushyp kelgen Qazaqstannyń 327 azamatynyń koronavırýsqa taldaý saraptamasy daıyn bolǵan. Olardyń eshbirinde indet anyqtalmady.