Koronavırýs: 64 patsıent jansaqtaý bóliminen palatalarǵa aýystyryldy
Búgingi kúni elimizde 64 patsıent qarqyndy terapııadan palataǵa aýystyrylyp, olardyń bir bóligi jazylyp úılerine qaıtty. Sonymen qatar, 2 patsıent Nur-Sultanǵa ýaqytyly jetkizilip, EKMO apparatyna qosyldy. Qazir olardyń jaǵdaıy qanaǵattanarlyq dep baǵalanady. Bunyń barlyǵy, Eksperttik top jumysynyń nátıjesi.
Aıta ketsek, Qazaqstan Respýblıkasynda koronavırýsty ınfektsııa (KVI nemese COVID-19) juqtyrǵan patsıentterge dıagnostıkalyq, terapevtik jáne qarqyndy kómek kórsetý maqsatynda Densaýlyq saqtaý mınıstriniń buıryǵymen ınfektsııany juqtyrǵan patsıentterge qarqyndy terapııa kórsetetin eksperttik top qurylǵan bolatyn.
Eksperttik toptyń negizgi tapsyrmasy – elimizdegi medıtsınalyq uıymdarda em alyp jatqan COVID-19 bar aýyr jáne asa aýyr haldegi patsıentterge kórsetiletin emdik-dıagnostıkalyq kómek ádisin qadaǵalaý men olarǵa túzetýler engizý.