Koronavırýs: 500-ge jýyq qazaqstandyq shetelden PTR-anyqtamasyz ushyp keldi

NUR-SULTAN. QazAqparat – 25 aqpan kúni Qazaqstan aýmaǵyna Maldıv Respýblıkasy, BAÁ, Mysyr, Túrkııa, Reseı, Ózbekstan jáne Qyrǵyzstannan 15 halyqaralyq áýe reısi ushyp keldi, dep habarlaıdy QazAqparat.

QR DSM Sanıtarııalyq - epıdemıologııalyq baqylaý komıtetinen málim etkendeı, bir táýlikte elimizge shetelden barlyǵy 2178 jolaýshy ushyp keldi. Olardyń 1682-sinde koronavırýsqa PTR-testileýdiń teris nátıjesi bar anyqtama bolǵan. Qalǵan 496-synda anyqtama bolǵan joq, barlyǵy da Qazaqstan azamattary.

Atap aıtqanda:

- Almaty qalasynyń áýejaıyna – 10 reıs, 1 169 jolaýshy, anyqtamamen - 877, anyqtamasyz - 292;

- Nur-Sultan qalasynyń áýejaıyna – 5 reıs, 1 009 jolaýshy, anyqtamamen - 805; anyqtamasyz - 204.

Anyqtamasy bolmaǵan Qazaqstan azamattary kelgen jerleri boıynsha COVID-19-ǵa PTR-taldaý ádisimen testilendi jáne karantındik statsıonarlarda óz nátıjelerin kútýde.

Sondaı-aq 24 aqpanda shetelden anyqtamasyz kelgen Qazaqstannyń 284 azamatynyń PTR-taldaýlarynyń nátıjesi daıyn bolǵan – eshbir jolaýshyda koronavırýs tabylǵan joq.