Koronavırýs: 5 el bas tartqan krýızdik laınerdi Kambodja qabyldady

SIANÝKVILЬ. QazAqparat – Kambodja bıligi «Westerdam» krýızdik laınerin qabyldaýǵa kelisti. Ol bortynda koronavırýs juqtyrǵan adamdar bolýy múmkin degen qaýipke baılanysty birneshe kún boıy Azııanyń ártúrli porttarynda baılaýly turǵan edi, dep habarlaıdy QazAqparat Kyodo agenttigine silteme jasap.

Bortynda 1455 jolaýshy men 802 ekıpaj múshesi bolǵan «Westerdam» kemesi beısenbi kúni Kambodja úkimeti ruqsat bergennen keıin ońtústik-batystaǵy Sıanýkvıl portyna toqtady.

Jolaýshylarǵa kemeden shyǵýǵa ruqsat bererden buryn densaýlyq saqtaý ókilderi bortqa kirip, medıtsınalyq tekserý júrgizdi.

Kambodja densaýlyq saqtaý mınıstri Mam Býnhenganyń aıtýynsha, aýyrǵan 20 jolaýshydan alynǵan synama COVID-19 koronavırýsyna teris nátıje bergen. Kemeden shyqqan jolaýshylardy Kambodja premer-mınıstri Hýn Sen kútip aldy.

Laıner Gonkongtan 1 aqpanda 14 kúndik krýız jasaý úshin shyǵyp, Japonııaǵa barýy kerek edi. Alaıda, bul memleket keme operatorynan Gonkongke oralýyn suraǵan. Laınerdi Gýam, Fılıppın, Taıland jáne Taıvan qabyldaýdan bas tartqan.

Holland America Line keme operatory óz bortynda COVID-19 juqtyrǵandar joqtyǵyn birneshe ret málimdegen edi.

Eske salaıyq, Kambodja eli 2300-ge jýyq adamy bar «Westerdam» krýızdik laınerin qabyldaýǵa ruqsat bergenin buǵan deıin jazǵan bolatynbyz.