Koronavırýs: 24 naýqas ókpeni jasandy jeldetý apparatyna qosylǵan

NUR-SULTAN. QazAqparat - Elimizde koronavırýs juqtyrǵan 24 naýqas ókpeni jasandy jeldetý apparatyna qosylǵan. Bul týraly búgin QR densaýlyq saqtaý mınıstri Eljan Birtanov aıtty, dep habarlaıdy QazAqparat tilshisi.

«Kóp jaǵdaıda keıbir azamattar senbeı: «mundaı aýrý joq, jaı vırýs» dep jatady. Ókinishke oraı, bul jaı aýrý emes, 48 naýqas azamatymyz qaıtys boldy. Qosymsha 37 adam basqa aýrýlardyń saldarynan ómirden ótti. Biraq, olardan da koronavırýs tabyldy. Biraq, naqty koronavırýstan qaıtys bolǵan adam - 48», - dedi ol Ortalyq kommýnıkatsııalar qyzmetindegi brıfıng barysynda.

Mınıstr qazirgi kúni jansaqtaý bólimshelerinde jatqan naýqastardyń bar ekendigin basa aıtty.

«24 naýqas ókpeni jasandy jeldetý apparatyna qosylǵan. Olar óte kúrdeli pnevmonııamen aýrǵan naýqastar. Óńirlerdegi bul statıstkany kúndelikti qarap otyramyz. Ózimniń baqylaýymda. Árbir óńirde jetkilikti tósek-oryn, apparat bar. Jergilikti atqarýshy organdarmen júrgizilgen jumystardyń negizinde qajetti resrýstardyń barlyǵy daıyndalǵan», - dedi Eljan Birtanov.