Koronavırýs: 211 qazaqstandyq shetelden PTR-anyqtamasyz ushyp keldi

NUR-SULTAN. QazAqparat - 16 naýryz kúni Qazaqstan aýmaǵyna Germanııa, Maldıv, BAÁ, Mysyr, Túrkııa, Ýkraına, Reseı, Grýzııa, Ózbekstan jáne Qyrǵyzstannan 27 halyqaralyq áýe reısi ushyp keldi, dep habarlaıdy QazAqparat.

QR Densaýlyq saqtaý mınıstrligi Sanıtarııalyq-epıdemıologııalyq baqylaý komıtetiniń málimetinshe, ótken bir táýlikte elimizge 3 640 jolaýshy ushyp keldi. Olardyń 3 429-ynda koronavırýsqa PTR-testileýdiń teris nátıjesi bar anyqtama bolǵan. Qalǵan 211-i anyqtamasyz keldi, barlyǵy - QR azamattary.

Atap aıtqanda:

- Almaty qalasynyń áýejaıyna – 17 reıs, 2 366 jolaýshy, anyqtamamen – 2 195, anyqtamasyz - 171;

- Nur-Sultan qalasynyń áýejaıyna – 5 reıs, 584 jolaýshy, anyqtamamen - 568; anyqtamasyz - 16;

- Shymkent qalasynyń áýejaıyna – 4 reıs, 543 jolaýshy, anyqtamamen - 519; anyqtamasyz - 24;

- Aqtaý qalasynyń áýejaıyna – 1 reıs, barlyq 147 jolaýshy anyqtamamen kelgen.

«Anyqtamasy bolmaǵan Qazaqstan azamattary kelgen jerleri boıynsha COVID-19-ǵa PTR-taldaý ádisimen testilendi jáne karantındik statsıonarlarda óz nátıjelerin kútýde», - dedi komıtetten.

Sondaı-aq 15 naýryz kúni shetelden anyqtamasyz kelgen Qazaqstannyń 150 azamatynyń PTR-taldaý nátıjesi daıyn bolǵan. Oǵan sáıkes, eshbir jolaýshyda koronavırýs anyqtalmady.