Koronavırýs: 203 qazaqstandyq shetelden PTR-anyqtamasyz ushyp kelgen

NUR-SULTAN. QazAqparat - 4 jeltoqsanda Qazaqstan aýmaǵyna Vengrııa, Lıtva, Pákistan, Mysyr, BAÁ, Túrkııa, Belarýs jáne Ózbekstannan 16 halyqaralyq áýe reısi keldi, dep habarlaıdy QazAqparat.

QR Densaýlyq saqtaý mınıstrligi Sanıtarııalyq-epıdemıologııalyq baqylaý komıtetiniń aqparatyna sáıkes, barlyǵy 1 898 jolaýshy ushyp kelgen. Onyń ishinde 1695 adamda koronavırýsqa PTR-testileýdiń teris nátıjesi bar anyqtama bolǵan. Anyqtamasyz 203 adam keldi, barlyǵy – QR azamattary.

Onyń ishinde:

- Almaty qalasynyń áýejaıyna - 9 reıs, barlyǵy 1 298 jolaýshy, anyqtamamen - 1 142, anyqtamasyz - 156;

- Nur-Sultan qalasynyń áýejaıyna - 6 reıs, barlyǵy 478 jolaýshy, anyqtamamen - 433, anyqtamasyz - 45;

- Atyraý qalasynyń áýejaıyna - 1 reıs, barlyǵy 122 jolaýshy, anyqtamamen - 120, anyqtamasyz - 2.

«Anyqtamasyz bolǵan Qazaqstan azamattary kelgen jeri boıynsha karantındik statsıonarlarǵa ornalastyryldy jáne PTR-taldaý ádisimen COVID-19-ǵa testilendi. Barlyq 203 azamattyń test synamalary teris nátıje kórsetti», - delingen mınıstrlik málimetinde.