Koronavırýs: 200-ge jýyq qazaqstandyq shetelden PTR-anyqtamasyz ushyp keldi

NUR-SULTAN. QazAqparat - 2 aqpanda Qazaqstan aýmaǵyna Germanııa, Koreı, Maldıv, Saýd Arabııasy, BAÁ, Mysyr, Túrkııa, Reseı, Qyrǵyzstan jáne Ózbekstan elderinen 14 halyqaralyq áýe reısi ushyp keldi, dep habarlaıdy QazAqparat.

QR Densaýlyq saqtaý mınıstrligi Sanıtarııalyq-epıdemıologııalyq baqylaý komıtetiniń aqparatyna sáıkes, keshe elimizge shetelden barlyǵy 1816 jolaýshy ushyp kelgen. Olardyń 1625-inde koronavırýsqa PTR-testileýdiń teris nátıjesi bar anyqtama bolǵan. 191 adamda PTR-anyqtama bolǵan joq, barlyǵy da – QR azamattary.

Atap aıtqanda:

- Almaty qalasynyń áýejaıyna – barlyǵy 8 reıs qondy, 1 489 jolaýshy, anyqtamamen - 1 300, anyqtamasyz - 189;

- Nur-Sultan qalasynyń áýejaıyna – 5 reıs, 322 jolaýshy, anyqtamamen - 320; anyqtamasyz - 2;

- Pavlodar qalasynyń áýejaıyna – 1 reıs, barlyq 5 jolaýshy anyqtamamen kelgen.

«Anyqtamasy bolmaǵan Qazaqstannyń 191 azamaty kelgen jerleri boıynsha COVID-19-ǵa PTR-taldaý ádisimen testilendi jáne karantındik statsıonarlarda óz nátıjelerin kútýde», - delingen aqparatta.

Sondaı-aq málim etilgendeı, 1 aqpan kúni anyqtamasyz ushyp kelgen QR-dyń 133 azamatynyń PTR-taldaý nátıjeleri daıyn bolǵan – eshbir jolaýshydan koronavırýs ınfektsııasy anyqtalǵan joq.