Koronavırýs: 2 el Olımpıadaǵa qatyspaıtyndyqtaryn málimdedi
Kanada olımpıada komıteti 2020 jylǵy Olımpıada oıyndaryna óz sportshylaryn jibermeıtinin jarııa etti.
Kanada sportshylardyń densaýlyǵy men qaýipsizdigi mańyzdy ekendigin aıtyp, Halyqaralyq olımpıada jáne Halyqaralyq paraolımpıada komıtetteri men Dúnıejúzilik densaýlyq saqtaý uıymyn Olımpıada oıyndaryn bir jylǵa keıinge qaldyrýǵa shaqyrdy.
2016 jylǵy Rıo Olımpıadasyna Kanadadan 314 sportshy qatysyp, 22 medalǵa ıe bolǵan edi.
Kanadadan keıin Aýstralııa olımpıada komıteti de koronavırýs keńinen etek alǵan qazirgideı jaǵdaıda Tokıo Olımpıadasyna óz quramasyn jınaı almaıtynyn, sondyqtan kelesi jylǵa ázirlenetinin málim etti.
Rıo Olımpıadasyna Aýstralııadan 421 sportshy baryp, 29 medalmen bul eldiń quramasy jalpykomandalyq esepte 8-orynǵa kóterilgen bolatyn.
Halyqaralyq olımpıada komıtetiniń prezıdenti Tomas Bah 2020 jylǵy Olımpıada oıyndaryna baılanysty túpkilikti sheshim tórt aptadan keıin qabyldanatynyn jetkizdi. Onyń sózine qaraǵanda, Japonııadaǵy jaǵdaı birtindep túzelip keledi. Uıymdastyrý komıteti 24 shilde men 9 tamyzǵa josparlanǵan jarysty bir aıǵa nemese 45 kúnge shegerý máselesin de qarastyrýy múmkin.
