Koronavırýs 14 jasqa deıingi balalar arasynda kóp anyqtalýda - Qyzylorda
QYZYLORDA. QazAqparat - Qyzylorda oblysynda koronavırýsqa shaldyqqan naýqastardyń basym bóliginen klınıkalyq aýyr jaǵdaıda anyqtalýda, dep habarlaıdy QazAqparat tilshisi.
Sońǵy kúnderde óńirde mýtatsııalanǵan úndistandyq «Delta» shtamynyń bar ekendigi naqtylandy. ıAǵnı, respýblıkalyq referens zerthanasyna 22 synama joldanyp, onyń 13-nen vırýs shtamynyń serotıpi anyqtaldy.
«Osyǵan baılanysty elimizde jáne óńirde aýrý kúnnen kúnge kóterilip, epıdemıologııalyq ahýal kúrdelenip keledi. Aýrýdyń basym kópshiligi klınıkalyq belgismen aýyr aǵymda anyqtalýda. Taǵy bir aıta keterligi, 14 jasqa deıingi balalar arasynda, onyń ishinde 1 jasqa deıingi náresteler arasynan anyqtalýda. Byltyr balalar arasynda 50 jaǵdaı tirkelse, ol bıylǵy jyl basynan beri 280 jaǵdaıǵa jetti. Koronavırýstyń «Delta» shtamy aýrýhanaǵa jatqyzý men ólim-jitimniń joǵary yqtımaldyǵymen baılanysty. Infektsııadan qorǵanýdyń birden bir joly COVID-19 vırýsyna qarsy vaktsınanyń tolyq kýrsyn alý», - dedi oblystyq sanıtarııalyq-epıdemıologııalyq baqylaý departamentiniń basshysy Dınara Jańabergenova.
Aıta keteıik, óńirde 106 ekpe kabıneti bolsa, 3 egý pýnkti iri saýda ortalyqtarynda uıymdastyrylǵan.
Eske salsaq, budan buryn Qyzylorda oblysynda 167 myńnan astam adam vaktsına saldyrdy.
